(((تقدیم به آقای حجت مهدی زاده)))
یازیخ کتدی سوزین کیمه دیجک
سسی باتیب کیملر سوزین بیلجک
گاه هستنیب گاهدا اوزین دوئجک
گاه آغلیب گاهدا گوزین سیلجک
یوخون گونله یونجالیقین اکجک
یاغیش یاغسا هردن اوزی گولجک
کومک اولسا دام داشلارین تیکجک
قیسمت اولسا، اودا ماشین مینجک
************
جاننان گچیب،مال حیوانا باخاجاخ
کولک وئریب، یاش گوزینن آخاجاخ
پول قوتارسا، قارا گونلی اولاجاخ
گاه بوالین گاه او الین سیخاجاخ
ایل پیس گلسه آرپا یونجا آلاجاخ
یاز چیخمامیش قوزی لاری ساتاجاخ
هشزاد اوسته قونشیلاری ویراجاخ
هم قونشینی همده اوزین ییخاجاخ
**********
ارباب اولسه،رعیت باشین ساخلیار
اوزی اکیب، اوزی بیچیب، باغلیار
سچمگیچین مال حیوانی داغلیار
گچی قویون آخشام اوستی ساغیلار
گوزلمسه سوری بیردن داغیلار
چوبان یازیخ ائوز گوزینی داغیدار
یتیشجگین مال صاحابی سوریشار
جواب اوسته همده اونان ویریشار
************
آند ایچمیشدی ساواشمیا بیرینن
باش قویمیا عاقیلینان دلینن
داوا چیخدی آغاج دوشدی الینن
ورق دوندی آغاج دییدی بلینن
بیل اینجدی باشی سیندی درینن
آغیز آچدی مایا گویدی گلینن
گلن گلدی سوریشمادی ایشینن
یامان دوشدی کتدیلرین گوزینن
************
یازیخ کتدی اوقد قاچیب یوریلیب
چورگ اوسته کت شالواری جیریلیب
ایشی یاشدی،تکه غالخیب غودوریب
قوردلار باسیب، اولاغلاری چیغریب
هاردان بیلیم؟ اوقیشلاقه ویریلیب
پیشیگ دییب، دامازدیقی داغیلیب
مرض گلیب مال حیوانی غیریلیب
اینه یوخدی، داوالاری قوتاریب
نظرات شما عزیزان:
دوست 
ساعت9:53---8 خرداد 1394
بسیاز زیبا و خندیدنی بود .
